Өзбекстан Экологиялық партиясы фракциясының мәжилисинде "Өзбекстан Республикасында хызмет көрсеткен эколог" ҳүрметли атағын енгизиўге байланыслы нызам жойбары көрип шығылды.

Атап өтилиўинше, бул атақтың шөлкемлестирилиўи тәбиятты қәстерлеп сақлаў, биологиялық көп түрлиликти сақлаў, климат өзгериўи ақыбетлерин жумсартыў, тәбийий ресурслардан ақылға уғрас пайдаланыў ҳәм системада айрықша баслама көрсеткен шахсларды хошаметлеўде үлкен әҳмийетке ийе.

Экопартия депутатлары бул нызам жойбарын қызғын додалап, қоллап-қуўатлады.