Транспорт министри Илҳом Маҳкамов Қырғыз Республикасының Өзбекстандағы Айрықша ҳәм толық ҳуқықлы елшиси Дуйшонқул Чотонов пенен ушырасты.
Ушырасыўда еллеримиз арасында саўда-экономикалық қатнасықларды раўажландырыўда үлкен әҳмийетке ийе болған автомобиль ҳәм темир жол транспорты тараўындағы бирге ислесиўдиң ҳәзирги жағдайы додаланды.
Атап айтқанда, тәреплер Қытай-Қырғызстан-Өзбекстан темир жолының қурылыс жойбары ҳәм бул жол қурып питкерилгенге шекем, Қашқар-Иркештом-Ош мултимодал коридоры арқалы жүк тасыўларды раўажландырыў бойынша биргеликтеги ҳәрекетлерди әмелге асырыў бойынша пикир алысты.
Мәмлекетимиз басшысының елимизде туризмди буннан былай да раўажландырыў, әсиресе, Бостанлық районының сулыў орынларына келиўшилерге, туристлерге транспорт хызметлеринен пайдаланыўы ушын қолайлық жаратыў бағдарында берген тапсырмаларының орынланыўын тәмийинлеў мақсетинде, ҳәзирги күнде "Өзбекстан темир жоллары" АЖ тәрепинен бир қатар жумыслар әмелге асырылмақта.
