Салтанатлы мәресимнен соң болып өткен сөйлесиўде тәреплер Өзбекстан ҳәм Бангладеш арасындағы сиясий, саўда-экономикалық, инвестициялық, мәдений-гуманитарлық ҳәм басқа да тараўлардағы қатнасықлардың бүгинги жағдайы ҳәм раўажландырыў перспективаларын додалады, деп хабар бермекте "Дунё" МА.
Муҳаммад Шаҳобиддин Өзбекстанды Бангладештиң Орайлық Азиядағы тийкарғы регионаллық шериги ҳәм исенимли досты, деп атады. Соңғы жыллары Президент Шавкат Мирзиёевтиң басшылығында турмыстың барлық тараўларында әмелге асырылып атырған жедел реформалар ҳәм избе-из басламалар нәтийжесинде мәмлекетимиздиң халықаралық майдандағы абырайы ҳәм имиджи артып атырғанын айрықша атап өтти.
Бангладеш ҳүкимети мәмлекетлер арасындағы саўда-экономикалық бирге ислесиўди раўажландырыўға айрықша әҳмийет қаратып атырғаны атап өтилди.
Тоқымашылық, фармацевтика ҳәм былғары санааты сыяқлы тараўларда шериклик ушын үлкен потенциал бар екени атап өтилди. Бангладеш бул бағдарларда тәжирийбе алмасыў ҳәм жаңа жойбарларды биргеликте әмелге асырыўға таяр екенин билдирди.
Мәдений-гуманитарлық, соның ишинде, туризм ҳәм жоқары билимлендириў тараўларындағы шерикликти раўажландырыўға айрықша итибар қаратылды.
Өзбекстан ҳәм Бангладеш арасында дипломатиялық қатнасықлар 1992-жыл 15-октябрьде орнатылған.
Еслетип өтемиз, Өзбекстанның жаңа елшиси Сардор Рустамбаев 2024-жыл январь айында Дели қаласына келген еди. Оған шекем мәмлекетимиздиң Франция ҳәм Португалиядағы дипломатиялық миссиясына басшылық еткен.
