Мәмлекет басшылары, сондай-ақ, Жоқары мәмлекетлераралық кеңестиң Геология, сийрек ушырасатуғын ҳәм сийрек гезлесетуғын металларды қазып алыў, трансшегаралық дәрьялардың суўлылығын прогнозлаў бойынша еки тәреплеме жумысшы топарларды шөлкемлестириў, Өзбекстан ҳәм Қазақстан Аймақлар басшылары кеңесин шөлкемлестириў ҳаққындағы қарарларын қабыл етти.
Сапар етиў даўамында бир қатар ҳүжжетлерге қол қойылды, соның ишинде:
- Трансшегаралық суў объектлерин биргеликте басқарыў ҳәм олардан ақылға уғрас пайдаланыў ҳаққында келисим;
- Бажыхана хызметлериниң ўәкилханаларын ашыў ҳаққында келисим;
- Пуқаралық мақсетиндеги жер үсти радио хызметлери тәрепинен пайдаланылатуғын радиочастота өзлестириўлерин шегара алды аймақларда муўапықластырыў ҳаққындағы келисим;
- Биргеликтеги әскерий шынығыўларды өткериў ҳаққында келисим;
- Биргеликтеги инвестициялық платформаны жаратыў ҳаққындағы шеңбер келисим;
2026-2027-жылларда туризм тараўында бирге ислесиў бойынша биргеликтеги ҳәрекетлер режеси;
- Әдиллик министрликлери арасында 2025-2026-жылларға мөлшерленген бирге ислесиў бағдарламасы;
- Таў-кән санааты тараўында бирге ислесиўди раўажландырыў ҳаққында меморандум;
- Өзбекстан Жаслар ислери агентлиги ҳәм "Жаслар ассамблеясы" жәмийетлик бирлеспеси арасында бирге ислесиў ҳаққында меморандум;
- Денсаўлықты сақлаў министрликлери арасында қәнигелестирилген медициналық жәрдем көрсетиў тараўында өз-ара түсинисиў меморандумы;
- Медициналық қамсызландырыў қорлары арасында өз-ара түсинисиў меморандумы;
- Ташкент қаласы ҳәкимлиги ҳәм Астана қаласы ҳәкимлиги арасында бирге ислесиў ҳаққында келисим;
- "Өзбекнефтгаз" ҳәм "Қазмунайгаз" акционерлик жәмийетлери арасында бирге ислесиў ҳаққындағы келисим.
