Әйне пайытта Қарақалпақстан медицина институт ректоры О.Атаниязова басшылығындағы делегация Түркияның Стамбул қаласындағы Медицина илимлери университетинде сапарда болмақта.
Бүгин делегация ағзалары университет ректоры, профессор Кемалеттин Айдин менен ушырасты.
Ушырасыў барысында заманагөй оқыў методикасы, заманагөй медицина талаплары сыяқлы кең көлемли мǝселелер талқыланды. Атап айтқанда, Түркия жоқары оқыў орынларының профессор-оқытыўшыларының ҚМИ клиникасына турақлы түрде келип, жоқары технологиялық операцияларды ǝмелге асырыўына айрықша итибар қаратылды.
Қарақалпақстан хабар агентлиги.
Усы жыл 11-14-декабрь күнлери министрдиң орынбасары Акрам Алиев басшылығындағы Өзбекстан Республикасы Инвестициялар, санаат ҳәм саўда министрлигиниң делегациясы Анкара ҳәм Стамбул қалаларына барып, Түркияның тийисли министрликлери ҳәм уйымларының басшылары және исбилермен топарлардың ўәкиллери менен ушырасыўлар өткерди.
Алдан хабар бергенимиздей, усы жылдыӊ 2―5-декабрь күнлери Түркияныӊ Стамбул қаласында ТҮРКСОЙ халықаралық түркий халықлар мәденияты шөлкеми менен биргеликте уллы шайырымыз Әжинияз Қосыбай улы туўылғаныныӊ 200 жыллығы кеӊ түрде белгиленди.
Түркиядағы Стамбул университетинде Қарақалпақстан Республикасы Жоқарғы Кеңеси, Өзбекстан Республикасы Мәденият министрлиги, ТҮРКСОЙ халықаралық түркий халықлар мәденият шөлкеми, Қарақалпақстан Республикасы Мәденият министрлиги, Бакчилар беледиеси ҳәкимшилиги, Стамбул университети шөлкемлестириўинде халқымыздың уллы шайыры Әжинияз Қосыбай улы туўылғаныныӊ 200 жыллығына бағышланған «Руўхый әлем жыршысы» атамасындағы әмелий конференция болып өтти.
Өзбекстан ҳәм Түркия арасындағы бирге ислесиў избе-из раўажланып бармақта. Бул процессте еки мәмлекет исбилерменлери арасындағы қатнасықлар ҳәм өз-ара жойбарлар стратегиялық әҳмийетке ийе болмақта. Соның ишинде, бирге ислесиўдеги экономикалық жойбарларды жетилистириў ҳәм оларды және де нәтийжели әмелге асырыў мақсетинде турақлы ушырасыўлар шөлкемлестирилиўи бул бағдардағы ис-ҳәрекетлерди жаңа басқышқа алып шықпақта.
Түркияның «Ostim» санаат зонасы басқарыўы кеңесиниң баслығы Орхон Айдын басшылығындағы компаниялар ўәкиллеринен ибарат делегация мәмлекетимизде болып турыпты. Бул сапар даўамында Ташкент қаласында Өзбекстан-Түркия бизнес форумы ҳәм B2B форматындағы ушырасыўлар, Өзбек- Түрк санаат зонасы 1-басқышының ашылыў мәресими де өткериледи.
