Төлем әмелге асырылған жағдайда да, мағлыўматларды усы күнниң ақырына шекем өзгертиў мүмкин. Белгиленген мүддет өткеннен кейин өзгерислер киргизиў мүмкин болмайды.

Усы мүнәсибет пенен абитуриентлерге дизимнен өтиўди соңғы саатларға қалдырмаў усыныс етиледи, себеби күн ақырына келип системаға жүклеме сезилерли дәрежеде артып кетиўи ҳәм техникалық насазлықларға алып келиўи мүмкин.

Дизимнен өтиўде пәнлер комбинациясы, оқыў тили ҳәм тест сынақларын тапсырыў аймағын анық таңлаў керек. Сондай-ақ, тест сынақларында қатнасыў ушын өз ўақтында ҳақы төлениўи керек (жеңилликли категориялардан тысқары). Төлемди төлемеген абитуриентлер тест сынақларына жиберилмейди.

Билимди баҳалаў агентлигиниң мағлыўматына бола, 25-июнь саат 08:05 жағдайында мәмлекетлик жоқары ҳәм профессионал билимлендириў шөлкемлерине оқыўға кириў ушын 681 мың 450 абитуриент дизимнен өткен.

Олардың 432 мың 979 ы усы жылдың, 248 мың 471 и алдынғы жыллардың питкериўшилери болып есапланады.

Абитуриентлердиң 365 мың 733 ин (53,7 процент) ҳаял-қызлар, 315 мың 717 ин (46,3 процент) ер адамлар қурайды.

Буйыртпалардың ең үлкен үлеси өзбек тилинде оқытыўға туўра келеди:

өзбек тили - 603 мың (88,5%);

рус тили - 63 693 (9,3%).

қарақалпақ тили - 13 319 (2,0%)

басқа тиллер - 1 438 (0,2%).

Аймақлар кесиминде ең көп абитуриентлер Ташкент қаласында дизимге алынған - 116 882 абитуриент. Кейинги орынларда Самарқанд ўәлаяты (73 677), Ферғана ўәлаяты (67 342), Қашқадәрья ўәлаяты (60 650) ҳәм Әндижан ўәлаяты (58 564) турады.

Сондай-ақ, Наманган ўәлаятында - 50 667, Сурхандәрьяда - 48 812, Хорезмде - 45 549, Жиззақта - 35 754, Бухарада - 32 161, Наўайыда - 31 892, Қарақалпақстан Республикасында - 31 883, Сырдәрьяда - 21 749 пуқара дизимнен өткен.

Ең төмен көрсеткиш Нурафшан қаласында (Ташкент ўәлаяты) - 5 868 абитуриент.

Абитуриентлер @mandat_javobbot боты арқалы жоқары оқыў орынлары, тәлим бағдарлары ҳәм өтиў баллары ҳаққындағы мағлыўматлар менен танысыўы мүмкин. Сондай-ақ, @sinovtestuz_bot боты арқалы диагностикалық тестлерден бийпул өтиў ҳәм өз билим дәрежесин тексериў мүмкин.

Онлайн дизимнен өтиў бойынша видеоқолланба менен тийисли силтеме арқалы танысыў мүмкин.