Өзбекстан Республикасы Президентиниң "Судлардың жумысына жасалма интеллект технологияларын енгизиў арқалы әдил судлаўға ерисиў дәрежесин арттырыў ҳәм суд системасының материаллық-техникалық тәмийнатын жақсылаўға байланыслы қосымша илажлар ҳаққында"ғы пәрманында (ПП-140-санлы, 21.08.2025-ж.) бул ҳаққында сөз барады.
Пәрманға бола, судлардың жумысына жасалма интеллект технологияларын енгизиў ҳәм санластырыў процесслерин жеделлестириўдиң тийкарғы мақсетлери етип төмендегилер белгиленди, атап айтқанда:
суд ислерин жүргизиўде қағаз түринен ўаз кешиў мақсетинде "Санлы суд" концепциясы тийкарында ислерди жүргизиўди басқышпа-басқыш толық электрон түрге өткериў;
судлардың жумысына жасалма интеллект технологияларын енгизиў ушын зәрүр техникалық инфраструктура жаратыў;
Жоқары судтың мәлимлеме системалары негизинде суд ҳүжжетлери архивиниң модулин ислеп шығыў ҳәм әмелиятқа енгизиў;
судлардың жумысын санластырыў бойынша "Кибер ҳуқық" бағдарында илимий изертлеўлер өткериў, сондай-ақ, судьялар ҳәм суд аппараты хызметкерлериниң санлы саўатлылығы ҳәм маманлығын турақлы арттырып барыў.
"Санлы суд" концепциясын әмелге асырыў шеңберинде:
судқа арза бериўден алдын жасалма интеллект жәрдеминде суд додалаўының шама менен нәтийжеси ҳәм жумсалатуғын қәрежетлер қәлиплестириледи;
мүрәжатлар судқа электрон формада жибериледи;
суд ҳүжжетлери жойбарлары автомат түрде қәлиплестириледи.
