"Темиржолэкспресс" АЖ баспасөз хызметиниң хабар бериўинше, Республикамызда кескин ыссы ҳаўа-райы бақланбақта, соған бола жолаўшылар ҳәм поездлар ҳәрекети қәўипсизлигин тәмийинлеў мақсетинде, поездлар ҳәрекети тезлигине шеклеўлер орнатылады.
Сондай-ақ, тезлигине шеклеўлер орнатылған поездлар ҳәрекет кестесинде көрсетилген ўақыттан кеш мәнзилге жетип барыўы мүмкин екенлигин мәлим етемиз, - делинеди хабарда.
Еслетип өтемиз, "Өзгидромет" агентлиги усы жылдың 2-5-июль күнлери Өзбекстан аймағына қубладан жүдә ыссы ҳаўа ағымлары кирип келиўи күтилип атырғанын мәлим еткен еди.
