Ташкент қаласында 2024-2025-жыллардағы ысытыў мәўсими рәсмий түрде 2025-жыл 18-мартта жуўмақланатуғыны мәлим етилди. Бул ҳаққында ҳәкимликтиң мәлимлеме хызмети мәлим етти.

Атап өтилиўинше, соңғы ҳәпте даўамында Ташкентте күндизлери ҳаўа температурасы +18-19°С ҳәм оннан жоқары, түнлерде болса +8°С дан төмен түспей атыр. Гидрометеорология орайының прогнозына бола, жақын 5 күн ишинде күндизги ҳаўа температурасы +20-22°С, түнде болса +10°С тан жоқары болады.

Ҳәзирги ўақыттың өзинде пайтахтта орташа суткалық температура +12-13°С тан артқан, бул ысытыў мәўсимин жуўмақлаў ушын белгиленген нормаларға сәйкес келеди.

Еслетип өтемиз, белгиленген нормаларға бола, ысытыў мәўсими орташа суткалық ҳаўа температурасы +8°С дан жоқары болған 5 күнлик дәўир жуўмақланған күннен баслап тамамланады.