Ташкент ҳәм Наўайы ўәлаятының айырым аймақларында турмыслық шығынды хызметлери ушын төлем тарифлерин тәртипке салыў мақсетинде Халық депутатлары ўәлаятлық кеңесиниң тийисли сессия қарарлары менен қатты ҳәм суйық турмыслық шығындыларды жыйнаў ҳәм алып шығып кетиў бойынша көрсетилетуғын хызметлер ушын бирден-бир төлем тарифлери тастыйықланды.
Оған бола:
- Ташкент ўәлаятының айырым аймақларында (Бекабад ҳәм Нурафшон қалалары және Зангиата районы) физикалық тәреплер яғный халық ушын 7 840 сум (ҚҚС пенен) ҳәм юридикалық тәреплерге 1 м³ ушын 82 880 сум (ҚҚС пенен) төлем муғдары белгиленди. Белгиленген төлем тарифи Ташкент ўәлаяты "Иброҳимжон ишонч" ЖШЖ, "Шабнам-обод-сервис" ЖШЖ, "Аҳмаджон омад барака" ЖК, "Дилшод Муродбарака" ЖК, "Метал-механик-мастер" ЖШЖ, "Орзу ишонч файз" ЖШЖ, "Дилхумор сервис" ЖШЖ, "Обод ҳудуд сервис" ЖШЖ, "Искандар сервис лукс" ЖШЖ, "Макс қур лидер махсус" ЖШЖ ҳәм "Нурафшон-обод-ҳудуд" ЖШЖ сыяқлы санитариялық тазалаў кәрханалары ушын тастыйықланды.
- Наўайы ўәлаятының айырым аймақларында (Ғазған қаласы және Хатирчи, Нәўбәҳәр, Нурата ҳәм Кенимех районлары) физикалық тәреплер яғный халық ушын 4 950 сум (ҚҚС пенен) ҳәм юридикалық тәреплерге 1 м³ ушын 80 080 сум (ҚҚС пенен) муғдарында төлем тастыйықланды. Белгиленген төлем тарифи "МИРОНШОХ КОМФОРТ СЕРВИС" ЖШЖ санитариялық тазалаў кәрханасы ушын әмел етеди.
Сондай-ақ, турмыслық шығындыларды жайластырыў, сақлаў, утилизациялаў, зыянсызландырыў хызмети ушын Наўайы ўәлаяты бойынша 1 м3 - 20 160 сум (ҚҚС менен) ҳәм 1 тонна - 48 933 сум (ҚҚС менен) етип тастыйықланды.
Бул илажлар мәмлекетимиз басшысының "Турмыслық ҳәм қурылыс шығындылары менен байланыслы жумысларды басқарыў системасын буннан былай да жетилистириў илажлары ҳаққында"ғы және "Санитариялық тазалаў жумысларын шөлкемлестириў ҳәм елатлы пунктлерде тазалықты тәмийинлеў бойынша қосымша илажлар ҳаққында"ғы қарарлары ҳәм Министрлер Кабинетиниң "Шығындылар менен байланыслы жумысларды әмелге асырыў тараўындағы нормативлик-ҳуқықый ҳүжжетлерди тастыйықлаў ҳаққында"ғы қарарының орынланыўын тәмийинлеў мақсетинде әмелге асырылып атырғанын атап өтиў керек.
Бул мәжбүрий бирден-бир тарифлер санитариялық тазалаў кәрханалары тәрепинен көрсетилип атырған хызметлердиң сапасын жақсылаў, жаңа жумыс орынларының жаратылыўын тәмийинлеўге хызмет етеди.