Үш күн даўамында Ферғана ўәлаяты ҳәм Швецияның туристлик компаниялары арасында бирге ислесиў ҳаққында меморандумға қол қойылыўы режелестирилгени Европаның регионға қызығыўшылығы артып атырғанынан дәрек береди.

Бул илажлар Өзбекстанның туризм потенциалын көрсетиў, жаңа шериклик байланысларын раўажландырыў ҳәм мәмлекетимиздиң миллий брендин халықаралық майданда алға қойыўға қаратылған.

Өзбекстанның Швециядағы елшиханасының мирәт етиўине бола, көргизбеде Ферғана ўәлаяты ҳәкиминиң орынбасары Хуршиджон Аҳмедов делегация ағзалары менен бирге қатнаспақта. Олар Стокгольм қаласының қурылыс ҳәм жойбарластырыў басқармасының баслығы Камилла Эдвинсон менен ушырасып, экотуризм ҳәм қала қурылысы бойынша заманагөй жойбарлар менен танысты.

Сондай-ақ, тәреплер Ферғана ўәлаяты ҳәм Швецияның қурылыс ҳәм архитектура тараўындағы қәнигелери арасында тәжирийбе алмасыўды шөлкемлестириў бойынша келисимлерге еристи.