Өзбекстан Журналистика ҳәм ғалаба коммуникациялар университетинде 27-июнь - Баспасөз ҳәм ғалаба хабар қураллары хызметкерлери күни мүнәсибети менен илаж өткерилди.

Илажда журналистика тараўына қосқан шексиз үлеси, тәлим-тәрбия процесиндеги белсене қатнасыўы ҳәм халықаралық қатнасықларды беккемлеўдеги хызметлери ушын бир топар белгили журналистлер, жуўапкерлер ҳәм университет бирге ислесиўшилери ӨзЖОКУ "Ҳүрметли профессоры" ҳәм "Ҳүрметли доцент" атақлары менен сыйлықланды.

“Янги Ўзбекистон” ҳәм "Правда Востока" газеталары редакциясының Бас редакторы Салим Дониёровқа да "Ҳүрметли профессор" атағы берилди.

Салим Мусурмонович медиа тараўында журналистика теориясын әмелият пенен үйлестирип раўажландырып атырған устаз-журналист сыпатында тән алынатуғынын атап өтиў керек.

Редакция жәмәәти Салим Дониёровты усы атақ пенен қызғын қутлықлайды ҳәм алдағы жумысларында үлкен табыслар ҳәм жаңа жеңислер тилейди.