Директива Европа авиация қәўипсизлиги агентлиги (EASA) тәрепинен 2025-жыл 28-ноябрьде шығарылған. Жаңалаў зәрүрлиги Airbus 320/321 туқымлас самолётларында борт компьютерлеринен бири - ELAC программалық тәмийнатының версиясын алмастырыў менен байланыслы. Бул илажлар үскенелердиң күшли қуяш нурланыўы тәсиринде жүзеге келиўи мүмкин болған әззиликлердиң алдын алыўға қаратылған.

2025-жылдың 29-ноябрь жағдайына бола, А320/321 ceo/neo семействосының барлық ҳаўа кемелери программалық тәмийнаттың жаңаланыўынан өткен.

Усындай қысқа мүддетте модификацияны жедел өткериў Uzbekistan Airwaysтың халықаралық қәўипсизлик стандартларына садықлығын тастыйықлайды ҳәм авиакомпания техникалық қәнигелериниң жоқары профессионаллығын көрсетеди, олар авиация ҳәкимияты ҳәм ислеп шығарыўшылардың қыстаўлы көрсетпелерине жеделлик пенен жуўап береди.

Uzbekistan Airways барлық пәрўазлар техникалық жағдайы әмелдеги халықаралық нормальарға толық жуўап беретуғын ҳаўа кемелеринде әмелге асырылыўына кепиллик береди.