Ашылыў мәресиминде ол саўда-инвестициялық бирге ислесиўди кеңейтиў әҳмиетли екенин атап өтти, сондай-ақ, ОЭРМ (CARTIF) саўда ҳәм инвестицияларға жәрдемлесиў ҳаққындағы келисим бойынша сөйлесиўлердиң басланыўын қоллап-қуўатлады.
Жумыс сессиялары шеңберинде министр физикалық ҳәм санлы инфраструктураны раўажландырыў, регионаллық байланыслылықты күшейтиў, транспорт-логистика шынжырларын модернизациялаў ҳәм климат қәўип-қәтерлерине шыдамлылықты арттырыў бойынша Өзбекстанның басламалары менен таныстырды.
Инсан капиталын раўажландырыў, инновациялар ҳәм санлы трансформацияның әҳмийетли бағдарларына айрықша итибар қаратылды.
Әнжуман жуўмағында әҳмийетли ҳүжжетлерге, соның ишинде, Орайлық экономикалық регион мәмлекетлеринде электрон алмасыў ҳәм муўапықлық сертификатларын өз-ара тән алыўдың тәжирийбе модели бойынша өз-ара түсинисиў ҳаққындағы меморандумға ҳәм Орайлық экономикалық регион мәмлекетлериниң Инновациялар ҳәм венчур инвестициялардың катализатор фондын шөлкемлестириў ҳаққындағы меморандумға қол қойылды.
Өзбекстанның коньференцияда қатнасыўы мәмлекетимиздиң регионаллық кооперацияны раўажландырыўға умтылысы ҳәм экономикалық байланысларды беккемлеў, бизнес ушын имканиятларды кеңейтиўге қаратылған жаңа жойбарларды алға қойыўға таяр екенин тастыйықлады.
