Қамсызландырыў полиси болмағаны ушын жәрийма 300 лари, яғный шама менен 1,3 млн сумды қурайды.

Мәжбүрий медициналық полиске қойылатуғын талаплар.

Полис тили:

инглис ямаса грузин тилинде рәсмийлестирилген болыўы керек.

Мүддети:

қамсызландырыў Грузияда болыўдың барлық дәўирин қамтып алыўы керек.

Минимал қаплаў муғдарлары:

Тез медициналық жәрдем хызметлери - кеминде 5 000 АҚШ доллары.

Стационарда емлениў (бахтыз ҳәдийсе, жарақат, кеселлик, эвакуация ҳәм репатриацияны өз ишине алған ҳалда) - кеминде 30 000 АҚШ доллары.

Таўлы аймақларға барыў ушын қосымша талаплар белгиленген.

Ҳүжжетти көрсетиў тәртиби

Қамсызландырыў полиси өзиңизде болыўы керек - мобил қурылмада электрон түрде ямаса басып шығарылған түрде. Оны шегарада да, мәмлекет ишинде де ҳуқық қорғаў уйымларының хызметкерлери сораўы мүмкин.

Uzbekistan Airways авиакомпаниясы Грузияға тосқынлықсыз кириў ушын жолаўшыларға барлық зәрүр ҳүжжетлерди алдыннан рәсмийлестирип қойыўды усыныс етеди.

Грузияға бағдарланған авиабилетлерди авиакомпанияның uzairways.com рәсмий веб-сайты, Uzbekistan Airways мобил қосымшасы, Uzbekistan Airways Sales филиалы ҳәм аккредитациядан өткен агентлерден сатып алыў мүмкин.