Илажда аўыл хожалығы министриниң орынбасары Алишер Шукуров, Ташкент мәмлекетлик аграр университети проректоры Абдуазиз Абдувасиков, Қытай Аўыл хожалығы илимлери академиясы ҳәм Пахташылық институтының ўәкиллери, профессор-оқытыўшылар ҳәм илимий изертлеўлер алып барып атырған қәнигелер қатнасты.
Биргеликтеги лаборатория агрономия, топырақтаныў ҳәм өсимликтаныў тараўларында заманагөй илимий изертлеўлерди раўажландырыўға хызмет етеди. Жаңа лабораторияда топырақ ҳәм өсимликлер, төгин системасы, агротехникалық шешимлер, экологиялық турақлы технологиялар бойынша терең изертлеўлер алып барыў режелестирилген.
Сондай-ақ, университет проректоры Абдуазиз Абдувасиков Қытай пахташылық институты менен бирге ислесиўди кеңейтиўге қаратылған өз-ара түсинисиў меморандумына қол қойды.
Бул келисим Өзбекстанда аграр билимлендириў ҳәм илимниң раўажланыўына қосымша түртки болады, сондай-ақ, алдынғы халықаралық тәжирийбени жергиликли изертлеўлерге интеграциялаў имканиятын береди.
