Еслетип өтемиз, 24.11.2025-жылдағы ПП-228-санлы Пәрманға муўапық, архив
хызметлерин санластырыўда пайдаланылатуғын әмелдеги архив мәлимлеме системалары
тийкарында Архивлердиң бирден-бир миллий мәлимлеме системасын (АМС) енгизиў
нәзерде тутылған.
Барлық цифрластырылған архив ҳүжжетлери архив мәлимлеме системасына
киргизилиўи ҳәм сақланыўы керек. Буның ушын АМС барлық министрликлер ҳәм
уйымлардың электрон ҳүкимет орайы ҳәм МС менен интеграцияланады.
2026-жыл 1-августтан баслап мәмлекетлик уйымлар ҳәм шөлкемлердиң архив
жумысына байланыслы барлық мағлыўматлар ҳәм ҳүжжетлер, мәмлекетлик сыр болған
мағлыўматлардан тысқары, АМСда сақланады.
Ҳүжжет пенен Мәмлекетлик
уйымлар ҳәм шөлкемлердиң архив ҳүжжетлерин Архивлердиң бирден-бир миллий
мәлимлеме системасында электрон түрде сақлаў тәртиби ҳаққындағы реже
тастыйықланды.
Мәмлекетлик
уйымлар ҳәм шөлкемлер өзинде сақланып атырған архив ҳүжжетлерин ҳәр еки жылда
тәртипке келтирип барыўы шәрт. Белгиленген қағыйдаларға муўапық басқа
юридикалық тәреплер де АМСдан пайдаланыўы мүмкин.
Ҳәр бир архив
ҳүжжетине RFID-технологиясын қолланыў арқалы өзине тән идентификация номери
бериледи ҳәм АМС менен интеграцияланады.
Әдиллик
министрлиги жанындағы "Өзархив" агентлиги системаның жуўапкер
атқарыўшысы ҳәм ийеси, Әдиллик уйымлары ҳәм мәкемелеринде
Мәлимлеме-коммуникация технологияларын раўажландырыў орайы болса операторы
есапланады.
Ҳүжжет Нызамшылық
мағлыўматлары миллий базасында жәрияланған ҳәм 01.07.2026-жылдан күшке кирди,
деп жазады «Norma».
