Нызамға муўапық, фото ҳәм видеожазыўдың арнаўлы автоматластырылған техникалық қураллары жәрдеминде жазып алынатуғын ҳәкимшилик ҳуқықбузарлықлардың қатаң дизими белгиленген.
Арнаўлы автоматластырылған фото ҳәм видеожазыў техникалық қураллары жәрдеминде төмендеги ҳәкимшилик ҳуқықбузарлықлар, соның ишинде:
қәўипсизлик ременинен пайдаланыў қағыйдаларына әмел етпеў;
транспорт қуралын басқарыў ўақтында телефоннан пайдаланыў;
белгиленген қозғалыс тезлигиниң 20 км/сааттан артық болмаған муғдарға артып кетиўи;
тоқтаў ямаса тоқтап турыў қағыйдаларын бузыў ҳәм басқалар.
Сондай-ақ, бул ҳуқықбузарлықлар ушын жаза қолланыў мүддетлери анық белгиленген.
Жол ҳәрекети қағыйдаларының бузылыўы фото ҳәм видео жазыў техника қураллары арқалы анықланған жағдайда ҳәкимшилик жаза ҳуқықбузарлық жүз берген күннен баслап 1 айдан кешиктирмей қолланылады.
Ҳәкимшилик жуўапкершиликке тартыў ҳаққындағы қарар үстинен шағым етилгенде, ҳуқықбузарлық жүз берген күннен баслап 1 жылдан кешиктирмей жаза қолланылыўы мүмкин.
