Ҳүкиметтиң 2024-жыл 7-ноябрьдеги 745-санлы қарарына киргизилген қосымшаларға муўапық, Зергерлик жумысы менен шуғылланыўшы исбилерменлик субъектлерине бюджетке төленген қосымша қун салығының бир бөлегин қайтарыў, сондай-ақ, қосымша қун салығы базасын анықлаў тәртиби ҳаққындағы ўақтынша реже тастыйықланды.
Бул Ўақытша реже 2028-жыл 1-январьға шекем әмел етеди.
Зергерлик буйымларын ислеп шығарыў ҳәм (ямаса) усақлап сатыў менен шуғылланыўшы исбилерменлерге 2026-жыл 1-январьдан баслап салықтың 80 проценти республикалық бюджеттен қайтарылады.
Исбилермен төленген салықтың бир бөлегин қайтарыў бойынша салық есабаты тапсырылғаннан кейин, бирақ 3 айдан кешиктирмей мүрәжат етиў ҳуқықына ийе.
Төленген салықтың бир бөлегин қайтарыў бойынша мүрәжат автоматластырылған бағдарлама арқалы көрип шығылады.
Төмендеги шәртлер толық орынланғанда салықтың бир бөлеги автомат түрде қайтарылады:
есап бериў дәўири ушын усынылған салық есабатына муўапық есапланған салық есап бериў дәўири айының 1-күнинен 20-күнине шекемги мүддетте толық бюджетке төленген болса;
зергерлик буйымларын ислеп шығарыў ҳәм (ямаса) реализациялаўдан түскен улыўма түсим есабат дәўиринде товарларды (хызметлерди) реализациялаўдан алынған дәраматтың кеминде 80 процентин қураўы;
есап-фактураларда ямаса қадағалаў-касса техникасының чеклеринде сатылған товарлардың (хызметлердиң) номенклатурасы ҳәм тийисли идентификация кодлары сәўлелендириледи.
Зергерлик буйымларын ислеп шығарыўшылар салық базасын зергерлик буйымларын реализациялаў баҳасы менен олардың қурамындағы баҳалы металлар ҳәм таслардың баҳасы арасындағы унамлы парқтан келип шығып анықлайды.
