Регламентке муўапық, санитариялық-эпидемиологиялық жуўмақ 3 жыл мүддетке бериледи.
Бул жуўмақ шет елден алып кирилип атырған өнимлерге - усы өнимлердиң жарамлылық мүддетине, жарамлылық мүддети болмаған өнимлерге болса әмел етиў мүддети көрсетилместен бериледи.
Санитариялық-эпидемиологиялық жуўмақ төмендеги жағдайларда алыныўы керек:
жаңа өним ислеп шығарыўды жолға қойыўда;
ислеп шығарылып атырған өнимниң қурамы өзгергенде;
өним ислеп шығарыўдың технологиялық процесиниң конструкциялары, комплектлеўи өзгергенде;
өнимниң тәжирийбе үлгилерине;
республика аймағына алып кирилетуғын азық-аўқат ҳәм аўыл хожалығы өнимлерине;
өним ислеп шығарыў ушын берилген санитариялық-эпидемиологиялық жуўмақтың әмел етиў мүддети өткеннен кейин.
Арза бериўши Мәмлекетлик хызметлерден Мәмлекетлик хызметлер орайларына барып ямаса электрон тәризде БМХКП (my.gov.uz) арқалы пайдаланыўы мүмкин.
Санитариялық-эпидемиологиялық тынышлық ҳәм жәмийет саламатлығы комитети жуўмақты QR-код арқалы тастыйықлайды ҳәм 1 жумыс күни ишинде мүрәжат етиўшиниң жеке кабинетине жибереди.
