Жынаят кодексине киргизилген өзгерислерге бола, баҳалы
металлар ҳәм (ямаса) тасларды нызамға қайшы түрде қазып алыў ямаса өткериў,
егер бундай ҳәрекетлер усындай ҳәрекетлер ушын ҳәкимшилик жаза қолланылғаннан
кейин әмелге асырылған болса, жынайый жуўапкершиликке себеп болатуғыны
белгиленди.
Сондай-ақ, Жынаят кодексиниң VIII бөлимине "Қымбат баҳалы
металлар" ҳәм "Қымбат баҳалы таслар" атамаларының ҳуқықый мәниси
киргизилди.
Ҳәкимшилик жуўапкершилик ҳаққындағы кодекске киргизилген
өзгерислерге бола, баҳалы металларды ҳәм (ямаса) тасларды нызамға қайшы түрде
қазып алыў ямаса реализациялаў -
- қымбат баҳалы металлар ҳәм тасларды конфискациялап, 15
суткаға шекем ҳәкимшилик қамаққа алыўға, ҳәкимшилик қамаққа алыў мүмкин
болмаған шахсларға болса БЕМның 10 есесинен 20 есесине шекемги муғдарда жәрийма
салыўға себеп болады.
Усы Нызам рәсмий жәрияланған күннен баслап күшке киреди.
