Президенттиң 2026-жыл 3-августтағы "Белгили бир жасаў орнына ийе
болмаған шахсларға социаллық хызметлер көрсетиў системасын жетилистириў ҳаққында"ғы
ПҚ-288-санлы қарарына муўапық, турақлы жасаў орнына ийе болмаған шахсларды
ўақтынша баспана бериў ҳәм социаллық реабилитациялаў орайларына жайластырыў
бойынша мәмлекетлик хызметлерди көрсетиўдиң ҳәкимшилик регламенти
тастыйықланды.
Орайларға жайластырыў турақлы жасаў орны болмаған шахслардың кешиктирип
болмайтуғын ҳәм қыстаўлы медициналық жағдайлар жоқ екенлиги ҳаққындағы жуўмақ
тийкарында тиккелей мүрәжаты тийкарында әмелге асырылады.
Орайға
жайластырылған шахслар жети календарь күн ишинде дәслеп турақлы жасаў орнына ийе
болмаған шахслар сыпатында тән алынады.
Соң олардың
социаллық хызметлерге болған мүтәжликлери баҳаланып, социаллық хызметлер ҳәм
жәрдем көрсетиў бойынша индивидуал реже ислеп шығылады.
Орайлардың
социаллық хызметкерлерине "Инсан" орайларының социаллық хызметкерлери
ушын белгиленген категорияларға муўапық мийнет ҳақы ҳәм сыйлықлар төленеди және
олардың жумыс нәтийжелилиги баҳаланады.
2026-жыл
1-октябрьден баслап ҳәкимликлердиң муниципал ҳәм коммуналлық турақ жайлар
мақсетли қорындағы турақ жайлар, биринши гезекте, турақлы жасаў орнына ийе
болмаған ҳәм өзиниң көшпес мүлкине ийе болмаған, мәмлекет тәмийнатында турған
шаңарақларға ижара тийкарында бериледи.
Онда, турақ
жайдың ижара ҳақысы көшпес мүлкти ижараға алған физикалық ҳәм юридикалық
тәреплер ушын белгиленген ҳәм ҳәр жылы тастыйықланатуғын ең кем ижара
ставкаларының 50 процентинен артпайтуғын муғдарда белгиленеди.
Ҳүжжет Нызамшылық
мағлыўматлары миллий базасында жәрияланған ҳәм 19.08.2026-жылдан күшке кирди,
деп жазады «Norma».
