2025-жылы Европа Аўқамы тарийхында биринши мәрте самал ҳәм қуяш генерациясы биргеликте барлық қазылма жанылғылардан көп электр энергиясын ислеп шығарды. Бул ҳаққында Ember аналитикалық орайы тәрепинен таярланған European Electricity Review жыллық есабатында келтирилген.
Жыл жуўмақлары бойынша самал ҳәм қуяш ЕАда электр энергиясының 30 процентин тәмийинледи, қазылма жанылғының үлеси болса 29 процентке шекем қысқарды. Улыўма, қайта тиклениўши энергия дәреклери 27 мәмлекеттен ибарат блоктағы барлық электр энергиясының 48 процентин берди.
Бул өзгерислерде қуяш энергетикасы тийкарғы рол атқарды. 2025-жылы қуяш электр энергиясын ислеп шығарыў 20,1 процентке өсти - бул избе-из төртинши жыл 20 проценттен аслам өсиў. Қуяш биринши мәрте Европа Аўқамы электр энергиясының 13% ин тәмийинлеп, көмир ҳәм гидроэнергетиканы алдынға алып шықты. Бир қатар мәмлекетлерде, соның ишинде, Венгрия, Кипр, Греция, Испания, Нидерландияда қуяш электр станциялары электр энергиясына болған ишки талаптың 20 проценттен асламын қаплаған.
Ҳаўа райының қолайсызлығына қарамастан, самал генерациясы газ электр станцияларынан көбирек электр энергиясын ислеп шығарып, 17 процент үлеси менен ЕАда электр энергиясы бойынша екинши орынды сақлап қалды. Соның менен бирге, гидроэнергетика 2025-жылы 12 процентке, самал энергиясы болса 2 процентке азайған, бул болса қуяштың жарқыраўы менен айырым бөлеги қапланған, деп жазбақта korrespondent.net.
