Шынығыўлар даўамында жаўынгерлик таярлық дәрежесин арттырыў, заманагөй әскерий көнликпелерди беккемлеў, еки мәмлекет әскерий хызметкерлери арасында әмелий тәжирийбе алмасыўға айрықша итибар қаратылады.
Салтанатлы ашылыў мәресиминде бул биргеликтеги сабақлар Өзбекстан ҳәм Ҳиндстан арасындағы әскерий байланысларды беккемлеўге хызмет ететуғыны, жеке қурамның билими, кәсиплик шеберлиги ҳәм әмелий тәжирийбесин арттырыўда әҳмийетли орын ийелейтуғыны айрықша атап өтилди.
Атап өтилиўинше, шынығыўлар еки мәмлекет қураллы күшлери арасындағы бирге ислесиў шеңберинде жетинши мәрте өткерилмекте. Олар 2019-жылдан берли турақлы түрде өткерилип, Өзбекстан ҳәм Ҳиндстан арасындағы әскерий бирге ислесиўди избе-из раўажландырыў ҳәм буннан былай да беккемлеўге қаратылған.
Биргеликтеги оқыў илажлары 24-апрельге шекем даўам етеди.
