Бул журнал дизимине Сингапур, БАӘ, Қатар, АҚШ, Бразилия, Германия, Япония, Малайзия, Австралия ҳәм басқа да мәмлекетлер ҳәм регионлар киргизилген.
Өзбекстан бир неше әҳмийетли себеплерге байланыслы көбинесе ең жақсы туристлик жөнелислер рейтинглеринде жоқары орынларды ийелейди. Мәмлекет Уллы Жипек жолы менен тығыз байланысқан бай тарийхый мийрасқа ийе. Бул жерде Самарқанд, Бухара ҳәм Хийўа сыяқлы белгили әййемги қалалар жайласқан болып, олар өзине тән архитектурасы, мешитлери, медреселери ҳәм мақбаралары менен туристлерди өзине тартады.
Буннан тысқары, Өзбекстан ҳәр қыйлы мәдениятларға ийе болған көп миллетли мәмлекет болып есапланады. Саяхатшылар таўлар, шөллер ҳәм көллерди өз ишине алған бийтәкирар тәбийий көринислерден заўықланыўы мүмкин, бул орынлар жақсы дем алыў ҳәм экотуризм ушын жүдә қолайлы есапланады.
Жергиликли халықтың миймандослығы ҳәм ақ көкиреклиги де мәмлекетти туристлер ушын тартымлы етеди. Өзбекстан раўажланған туристлик хызметлерге ийе болып, оларға мийманханалар, ресторанлар ҳәм транспорт инфраструктурасы киреди.
Нәтийжеде, Өзбекстан тарийхый мийрас, мәдений дәстүрлер, тәбийий гөззаллықлар ҳәм жергиликли халықтың кишипейиллиги мүнәсибетин өзинде жәмлеген умытылмас саяхатлар усыныс етеди, деп хабар береди Туризм комитетиниң баспасөз хызмети.
