Сыртқы ислер министри Бахтиёр Саидов Эстонияның Өзбекстандағы жаңадан тайынланған елшиси Яап Орадан исеним жарлықларын қабыллады.
Ушырасыўда еки мәмлекет арасындағы еки ҳәм көп тәреплеме қатнасықлардың ҳәзирги динамикасы додаланды.
"Сондай-ақ, ушырасыўда экономикалық дипломатия, мәлимлеме технологиялары, халықлар арасындағы байланыслар, мәденият ҳәм басқа да тараўлардағы бирге ислесиўимизди раўажландырыўға айрықша итибар қараттық. Елши мырзаға мәмлекетимизде табыслы жумыс алып барыўында әўмет тилеймиз", - деп жазады СИМ басшысы өзиниң Телеграм каналында.
Өзбекстанның Бахрейнге жаңадан тайынланған Айрықша ҳәм толық ҳуқықлы елшиси (резиденциясы Ар-Рияд қаласында) Нодиржон Турғунов усы мәмлекет сыртқы ислер министри Абдулатиф бин Рошид аз-Заянийге исеним жарлықларының нусқаларын онлайн тәризде тапсырды.
Өзбекстанның Босния ҳәм Герцеговинаға тайынланған биринши Айрықша ҳәм толық ҳуқықлы елшиси Бахтиёр Ибрагимов усы мәмлекет Президиумы баслығы Желька Цвияновичке исеним жарлығын тапсырды.
