Атап өтилиўинше, Бангкоктағы “International Ice Hockey Arena” комплексинде III дивизионның "Б" топарында гүрес алып барып атырған жасларымыз Түркменстан сайланды командасын 8:2 есабында жеңди.
Сайланды командамызға жеңис алып келген ойында түркменстанлылар дәрўазасына жолланған шайбаларға Рустамхонов (3), Камолов, Попов, Равшанов, Дадахўжаев, Азимов авторлық етти.
Артта қалған 3 ушырасыўда табысқа ерискен жас хоккейшилеримиз "Б" топарында 9 очко менен жетекшилик етпекте. Жерлесимиз Жасурбек Рустамхонов шайбалар узатыўы ҳәм урылған голлар (9+7) есабы бойынша чемпионаттың гол ийеси болып тур.
4-март күни Өзбекстан U-18 сайланды командасы гезектеги ойында Босния ҳәм Герцеговина командасы менен дусласады.
Еслетип өтемиз, жәҳән чемпионаты беллесиўлери 6-мартқа шекем даўам етеди.
