Жер жүзинде ықлым өзгериўи, тәбийий апатшылықлар, суў жетиспеўшилиги, қурғақшылық, урыслар себепли азық-аўқат өнимлерин жетистириў қыйынласпақта. Буннан тысқары, халық санының артыўы менен азық-аўқат өнимлерине талап да артып бармақта. Мағлыўматларға қарағанда, ҳәр жылы дүнья халқы орташа 80 миллионнан асламға көбеймекте. 2050-жылға келип халық саны 10 миллиард адамға жетиўи болжанбақта.
2024-жылдың январь — октябрь айларында Өзбекстан 1,6 миллион тонна мийўе ҳәм палыз-өним экспорт етти. Бул көрсеткиш өткен жылдың усы дәўири менен салыстырғанда 15,7 процентке көбирегин қурайды.
