– «103» қысқа нөміріне тәулік барысында болатын өтініштердің 60-70 пайызы сағат 18:00-ден 24:00-ге дейін уақыт аралығына тура келуде, – дейді Республикалық жедел медициналық ғылыми орталығы Ташкент қалалық жедел жәрдем станциясының бас дәрігері Донияр Бурибаев. – Бұл бірқатар факторларға байланысты.
Біріншіден, кешкі уақытта жедел медициналық қызмет көрсету мекемелерінен басқа, көптеген денсаулық сақтау мекемелері жабылады. Екіншіден, күннің белсенді өмірінде әртүрлі аурулардың белгілері анық болмауы мүмкін. Кешке қарай вегетативті жүйке жүйесінің босаңсуына байланысты аурудың сезілуі, дене қызуы, қан қысымы көтеріледі байқалады.
Үшіншіден, үйде отырған үлкен жастағылар немесе балалар кешке перзенттері ата-аналар жұмыстан, оқудан қайтуын күтіп, «күні бойы мазам болмады» деген шағымды айтады. Соның салдарынан көбі сақтық шарасы ретінде жедел жәрдем шақырғанды жөн көреді.
Дегенмен, бұл жағдайда барлық пациенттер шұғыл медициналық көмекке мұқтаж емес. Осыны ескере отырып, 103 қысқа нөмеріне “Сall-орталықта” медициналық кеңес беру қызметін іске қостық. Оған білікті дәрігерлер бекітілген.
Мысалы, жылдар бойы созылмалы аурумен ауыратын науқастар бар. Олар дәрігердің кеңесімен қажетті дәрі-дәрмектерді тұрақты түрде қабылдайды. Егер бұл препараттарды қабылдау тоқтатылса немесе препараттардың комбинациясы өзгертілсе, оларда ауру күшеюі мүмкін.
Мұндай уақытта дәрігерлік кеңес беру қызметі қашықтықтан оларға дәріні қандай мөлшерде және қай уақытта қабылдау керектігі туралы қажетті нұсқаулар мен ұсыныстарын береді.
Сонымен қатар, дене температурасының 37-37,5 градусқа дейін көтерілуіне де шағымдар бар. Бұл жағдайда, ең алдымен, жағдайдың себебі, температура, науқастың жағдайы нақтыланады. Содан кейін ыстықты түсіретін дәрілерді қабылдау ұсынылады. Қан қысымы шамалы көтерілген жағдайда да алдымен шағымдар тыңдалады, соған сәйкес дәрі-дәрмек тағайындалады.
Егер науқастың жағдайы жақсарса, келесі күні отбасылық дәрігерге қаралады, денсаулығында өзгеріс болмаса, жарты сағат, бір сағаттан кейін «103» қызметіне хабарласады.
Мұндағы барлық мақсат бір – жедел жәрдем қызметінің тиімділігін арттыру, негізсіз шақыртуларды азайту және ең алдымен, нағыз жедел медициналық көмекке мұқтаж науқастарды емдеу.
Денсаулық сақтау министрлігінің
Баспасөз қызметі
