Жиынға Қауіпсіздік кеңесінің мүшелері, Өзбекстан Республикасы Қарулы Күштерінің құрамына кіретін министрліктер мен ведомстволардың басшылары, әскери округтердің қолбасшылары, сондай-ақ өңірлерден онлайн байланыс арқылы Қарақалпақстан Республикасы Жуқорғи Кенгесі мен Министрлер Кеңесінің төрағалары, облыстар мен Ташкент қаласының әкімдері және жергілікті билік органдарының жауапты өкілдері қатысты.
Жиын басында елдің қорғаныс қабілетін нығайту бағытында атқарылған жұмыстар мен олардың нәтижелері, сондай-ақ кейбір кемшіліктер атап өтілді. Ұлттық армияның заманауи қару-жарақ және техникамен қамтамасыз етіліп жатқаны, әскери қызметшілердің жауынгерлік және рухани дайындығының айтарлықтай артқаны баяндалды.
Әлемдік тәжірибе мен талдаулар негізінде ішкі және сыртқы қауіп-қатерлердің алдын алу және оларды жою үшін жаңа жауынгерлік бөлімшелер құрылып, әскер құрылымы оңтайландырылды.
Армияны жаңғыртудың және заманауи қару-жарақпен жабдықтаудың жаңа жүйесі енгізіліп, қорғаныс өнеркәсібі одан әрі дамытылды, қосымша кәсіпорындар ашылды. Өзбекстан Қарулы Күштері 20-дан астам елмен екіжақты әскери ынтымақтастық орнатып, 400-ден астам бірлескен оқу-жаттығуда жоғары көрсеткіштерге қол жеткізді. Әскер құрамындағы әскери жоғары оқу орындарының инфрақұрылымы толық жаңғыртылып, оқу бағдарламалары мен әдістемелері қазіргі заман талаптарына сәйкестендірілді.
Әскери қызметшілер мен олардың отбасыларын әлеуметтік-құқықтық қорғау шаралары да күшейтілді. Мәселен, 30 мыңға жуық әскери отбасы баспанамен қамтылды, өткен жылы 2 мыңнан астам әскери қызметшінің балалары жоғары оқу орындарына түсу үшін жеңілдіктер алды. Отан қорғаушыларына қолайлы жағдай жасауға әскери-әкімшілік секторлар, мемлекеттік және қоғамдық ұйымдар да белсенді қатысуда. Жастарды патриоттық рухта тәрбиелеуге, мектептерде әскери дайындықты күшейтуге ерекше назар аударылуда.
Жиында 2025 жылға және алдағы жылдарға арналған басым бағыттар белгіленді. Ұлттық армияны дамыту стратегиясын айқындауда қазіргі заманғы қарулы қақтығыстар, ел қауіпсіздігіне төнетін қауіптер және әскери қимылдар театрының ерекшеліктерін ескеру қажеттігі айтылды.
Бүгінде түрлі өңірлік қақтығыстарда жасанды интеллект, робототехника, зымыран, дрон және оларға қарсы құралдар кеңінен қолданылып жатыр. Осыған байланысты әскер құрамында дрондар мен оларға қарсы күрес бөлімшелерін, жасанды интеллектке негізделген киберқұрылымдарды, роботтандырылған техникаларды енгізу және әуе шабуылынан қорғаныс жүйесін жетілдіру қажеттігі атап өтілді.
Мемлекет басшысы, Жоғарғы Бас Қолбасшы Қарулы Күштердің жауынгерлік әзірлігін қамтамасыз ету, әскери дайындық көрсеткіштерін жетілдіру, жасанды интеллектке негізделген автоматтандырылған басқару жүйесін құру, әскери білім беру және кадр даярлау ісіне дуалды оқыту жүйесін енгізу қажеттігін айтты.
Сондай-ақ армияның тірегі саналатын “Бас сержанттар корпусын” дамыту, қорғаныс өнеркәсібін одан әрі ілгерілету, әскери қызметшілер мен олардың отбасыларын әлеуметтік қолдау, жастарды патриотизм рухында тәрбиелеу және әскери спортқа баулу бойынша маңызды міндеттер белгіленді.
Жиын барысында қорғаныс министрі, әскери округтер қолбасшылары және басқа да жауапты тұлғалардың баяндамалары мен ұсыныстары
