Ijtimoiy himoya milliy agentligi tomonidan Samarqand shahrida OAV vakillari uchun press-tur oʻtkazildi
Yurtimizda aholining ijtimoiy himoyaga muhtoj qatlami bilan manzilli ishlash, ularning jamiyatda ijtimoiylashuvini taʼminlash borasida salmoqli ishlar amalga oshirib kelinmoqda. Xususan, bugungi kunda yurtimizning tuman va shaharlarida 208 ta “Inson” ijtimoiy xizmatlar markazi aholiga 95 turdagi ijtimoiy xizmatlar koʻrsatmoqda. Ushbu markazlarda mahallalarda kompleks xizmat koʻrsatuvchi ijtimoiy xodimlar 4800 nafardan ortiq boʻlsa, yolgʻiz va yolgʻiz yashovchi keksalarga manzilli xizmat koʻrsatuvchi ijtimoiy xodim assistentlari soni 2300 nafarni tashkil etadi.