Unda ishtirokchilar “Yashil iqtisodiyot”ni rivojlantirishning dolzarb masalalari qatorida issiqxona gazlari chiqindilarining oʻsishi muammosini muhokama qildilar. Soʻnggi maʼlumotlarga koʻra, atmosferaga yiliga 51 milliard tonna issiqxona gazlari chiqariladi va bu miqdor kamaymayapti. Va har bir mamlakat oʻz majburiyatlari va qabul qilingan rejalariga amal qilib, vaziyatni yaxshilash jarayonida ishtirok etadi.
Xususan, Parij bitimiga muvofiq, Oʻzbekiston 2030-yilga qadar issiqxona gazlari chiqindilarini 10 foizga kamaytirish majburiyatini oldi. Bu haqda Oʻzbekiston Energetika vazirining birinchi oʻrinbosari Azim Axmedxadjayev oʻz nutqida qayd etdi. Shuningdek, Oʻzbekiston Respublikasida belgilangan maqsadlarga erishish uchun “yashil” iqtisodiyotga oʻtishning kompleks strategiyasi, shuningdek, qayta tiklanuvchi va vodorod energetikasini rivojlantirish dasturi amalga oshirilayotganini taʼkidladi.
Oʻzbekiston oʻzining yashil taraqqiyot yoʻlidagi harakati davomida “yashil” energiyani rivojlantirish va qayta tiklanuvchi energiya manbalari ulushini keyingi 10 yil ichida 3 barobarga oshirish orqali uglerod neytralligiga erishishga intilmoqda.
2030-yilga borib mamlakat elektr energiyasini ikki barobarga, yaʼni 28 GVt ga koʻpaytirish va elektr energiyasining kamida 25 foizini QTEM tashkil etishini taʼminlash uchun ulkan strategik maqsadlarni qoʻygan, ulardan 5 GVt quyosh energiyasi, 3 GVt - shamol va 2 GVt – gidroyenergetikani tashkil qiladi.
«Ushbu maqsadlarga erishish yoʻlida joriy yilning avgust oyida mamlakatda 100 MVt quvvatga ega boʻlgan birinchi sanoat miqyosidagi quyosh fotoelektr stansiyasi foydalanishga topshirildi. Shuningdek, yil yakuniga qadar 1,1 GVt yangi quvvatlarni ishga tushirish rejalashtirilgan boʻlib, shundan 200 MVt quvvat fotoelektr stansiyalari ulushiga toʻgʻri keladi», — dedi A. Axmedxadjayev.
Shuningdek, joriy yilda umumiy quvvati qariyb 1 GVt (957 MVt), shundan 857 MVt quyosh va 100 MVt shamol energiyasi asosida qayta tiklanuvchi energiya ishlab chiqarish loyihalarini amalga oshirish boʻyicha investitsiya shartnomalari imzolanadi.
Shuningdek, Oʻzbekiston Energetika vazirligi huzurida qayta tiklanuvchi energiya va vodorod energetikasini rivojlantirish boʻyicha ilmiy-tadqiqot instituti tashkil qilinib, u orqali xalqaro hamkorlar bilan hamkorlikda qayta tiklanadigan energetika, jumladan, vodorod sohasida ilmiy-tadqiqot va ishlanmalarni ishlab chiqish yoʻlga qoʻyilgani taʼkidlandi.
Hisobot davomida yashil energetika sohasi yanada rivojlantirish va energiya xavfsizligining oʻzaro bogʻliqligi taʼkidlandi, bunga erishish uchun sohada olib borilgan islohotlar, unga oʻtishining pragmatizmi, shu jumladan, tobora koʻproq zamonaviy yondashuvlarni ishlab chiqish va qoʻllash, neft, gaz, koʻmir kabi anʼanaviy resurslardan foydalanishda muhim ahamiyatga ega.
“Yangi energiya manbalaridan foydalanishga oʻtish masalasi nafaqat uni joriy etish yoki kashf etish, balki zarur infratuzilmani yaratish va rivojlantirish, eng avvalo, atrof-muhitga eng kam zarar va insoniyatga katta foyda keltiradigan zarur tajribani olish masalasidir”, — dedi Energetika vazirining birinchi oʻrinbosari. Misol sifatida, u Yaponiya, Yevropa mamlakatlari va Saudiya Arabistonidagi koʻmir yoqadigan issiqlik elektr stansiyalarida yuqori texnologiyali qurilmalarni keltirdi. Bu esa asrlar davomida toʻplangan tajriba va mavjud texnologiyalar tufayli bir xil minimal koʻmir chiqindilari bilan foydalanish mumkinligini isbotlaydi.
Yashil oʻsish boʻyicha Osiyo hamkorligi vazirlarining birinchi uchrashuvi har bir mamlakat uchun favqulodda ehtiyoj boʻlgan yashil rivojlanishning samarali yoʻllarini ishlab chiqish boʻyicha xalqaro hamjamiyatning harakatlarini muvofiqlashtirishda muhim qadam boʻldi, deb xabar beradi Energetika vazirligi matbuot xizmati.
