Namangan viloyati Ekologiya va atrof-muhitni muhofaza qilish boshqarmasi tomonidan Sirdaryo daryosining Mingbuloq va Toʻraqoʻrgʻon tumanlari hududidan oqib oʻtgan qismida nazorat tungi reyd tadbiri oʻtkazildi.
Reyd tadbiri davomida 1 dona qayiq va akkumulyator hamda qoʻlbola yasalgan elektr qarmoq bilan noqonuniy baliq ovlayotgan ikki nafar shaxs aniqlanib, ulardan ashyoviy dalil sifatida 6 dona baliq, qayiq va qoʻlbola qarmoqlar olingan.
Mazkur holat yuzasidan Mingbuloq tumani IIB xodimlari bilan birgalikda dalolatnoma rasmiylashtirilib, surishtiruv ishlari olib borilmoqda, deb yozyapti Namangan viloyati Ekologiya boshqarmasi axborot xizmati.
