Turkiya Respublikasi tashqi ishlar vaziri Mavlut Chavusho‘g‘li O‘zbekistonga tashrifi doirasida Farg‘ona viloyatining Oltiariq tumanida bo‘ldi hamda hududning agroturizm salohiyati bilan yaqindan tanishdi. Bu haqda Turizm va sport vazirligi rasmiy saytida xabar berildi.
Mahalliy qovun navlaridan tatib ko‘rgan M.Chavusho‘g‘li ularning taʼmini yuqori baholadi.
“Hech ikkilanmay aytish mumkinki, O‘zbekiston qovunlari – dunyoning eng shirin qovunlari!”, – dedi turkiyalik yuqori martabali mehmon.
Oltiariq tumanidan so‘ng Turkiya tashqi ishlar vaziri yaqindagina Turkiy kengash davlatlarining turizm poytaxti deya eʼlon qilingan Qo‘qon shahri tomon yo‘l oldi.
