Uchrashuvda Ummon Sultonligining Oʻzbekiston Respublikasidagi Favqulodda va muxtor elchisi Vafo Jabr Nosir al-Busaidiy ham ishtirok etdi.
“Asyad Group” ning koʻp tarmoqli faoliyatini eʼtiborga olgan holda, Oʻzbekiston-Ummon savdo-iqtisodiy va sarmoyaviy munosabatlari koʻrib chiqildi, bunda Ummon tomoni faol sarmoyaviy ishtirok etishi mumkin boʻlgan foydalanilmagan sohalar va imkoniyatlarga alohida eʼtibor qaratildi.
Mamlakatimizda tadbirkorlik faoliyati uchun yaratilgan qulay shart-sharoitlar, toʻqimachilik sanoati, qishloq xoʻjaligi, logistika, koʻchmas mulk boshqaruvi, mehmonxona biznesi va turizm kabi sohalarda uzoq muddatli istiqbolda sof joriy qiymati yuqori boʻlgan loyihalar taqdim etildi.
Muzokaralar yakunida tomonlar oʻzaro hamkorlikni rivojlantirishga sobit qolishlarini bildirib, yangi tashabbuslarni amalga oshiriladigan iqtisodiyot tarmoqlarini belgilab oldilar hamda barcha kelishuvlarni qamrab olgan Hamkorlik toʻgʻrisidagi bitimni imzoladilar, deb xabar beradi Investitsiyalar, sanoat va savdo vazirligi matbuot xizmati.
