Prezident Shavkat Mirziyoyev 14-mart kuni Sirdaryo viloyatining Sayxunobod tumaniga tashrif buyurdi.
Mutasaddilarga tadbirkorlarning infratuzilma bilan bogʻliq masalalarni hal qilish yuzasidan tegishli topshiriqlar berildi.
Endilikda oilaviy tadbirkorlik dasturi doirasida qoramol, qoʻy va echki olish uchun 33 million soʻm imtiyozli kredit garovsiz, naqd pulda beriladi.
Samarasiz 200 gektar sunʼiy suv havzalari 300 ta xonadonga baliq yetishtirish uchun boʻlib beriladi. Bunga 100 million soʻmgacha garovsiz kredit ajratiladi.
Parranda korxonalari 2 mingta xonadonga 500 tadan 2 mingtagacha joʻja tarqatib, xonadonda sanoat usulida yiliga oʻrtacha 6-marta mahsulot olishni tashkil qiladi.
Tumandagi 19 ta mahallaning har birida istagi bor aholiga namunaviy intensiv bogʻ qilib beriladi.
Endilikda har bir mahalladagi hokim yordamchisi “1 sotix tomorqadan kamida 1-2 million soʻm daromad” degan mezon asosida aholi uchun biznes reja ishlab chiqadi.
Eng avvalo, Sayxunobodda 17 mingta xonadonda tomorqani ishga solish, kichik sanoat va xizmatlarni yoʻlga qoʻyish orqali, aholini daromadli qilish vazifasi qoʻyildi.
Sayxunobodda 2023-yilda ishlab chiqarish hajmi deyarli oʻsmagan. Mutasaddilar korxonalarga aylanma uchun pul berib, mahsulotni koʻpaytirishga eʼtiborsiz boʻlgani qayd etildi.
Bugungi yigʻilish 14 ta hudud, 208 ta tuman va shahar hokimlari, ularni oʻrinbosarlari, banklar, “mahalla yettiligi” uchun saboq boʻlishi taʼkidlandi.
Shu bois, viloyat hokimining birinchi oʻrinbosari, Sayxunobod tumani hokimi va uning birinchi oʻrinbosari lavozimidan ozod etilib, oʻrniga zamonaviy rahbarlar qoʻyildi.
Davlatimiz rahbari nega aynan shu tumanga kelganini izohladi.