Қыстаўлы хабар: 13-17-июль күнлери Өзбекстанда 46 градусқа шекем ыссы болыўы күтилмекте

Yashil sayyora 10 июл 2026, 12:02 515

Усы жылдың 13-17-июль күнлери Өзбекстан аймағына қубла аймақлардан оғада ыссы ҳаўа кирип келиўи күтилмекте. Ең ыссы күнлерде республика аймағының үлкен бөлиминде ҳаўа температурасы 41-43 дәрежеге шекем, арқа, қубла аймақларда ҳәм шөл аймақларында 44-46 дәрежеге шекем көтериледи.

Республика бойынша айырым жерлерде самалдың тезлиги 13-18 м/с қа шекем күшейиўи күтилмекте, айырым жерлерде шаң-тозаң бақланыўы мүмкин.

Пуқараларға аномал ыссы күнлерде сақланыў илажларына әмел етиў усыныс етиледи: тиккелей қуяш нурлары астында узақ ўақыт болмаў, ишимлик режимине әмел етиў ҳәм денсаўлығына итибарлы болыў.

#Погода