Илажда Өзбекстан Республикасы Энергетика министрлиги, Қытай Халық
Республикасы Ишки Монголия автоном районы ҳүкимети ҳәм Ишки Монголия технология
университетиниң басшылары ҳәм қәнигелери, сондай-ақ, бир қатар жоқары оқыў
орынлары ҳәм илимий-изертлеў шөлкемлериниң ўәкиллери қатнасты.
Ашылыў мәресиминде Энергетика министриниң биринши орынбасары Умид
Мамадаминов, Ишки Монголия автоном районы партия комитети хаткериниң орынбасары
Ши Гуанхуэй ҳәм Ишки Монголия технология университети вице-президенти,
профессор Гуо Хунфэй шығып сөйледи.
Олар өзлериниң
шығып сөйлеўлеринде қайта тиклениўши энергия дәреклери тараўында илимий бирге
ислесиўди буннан былай да раўажландырыў, инновациялық технологияларды енгизиў
ҳәм жоқары маман кадрлар таярлаў әҳмийетли екенлигин атап өтти.
Лаборатория
"Бир мәкан - бир жол" басламасы шеңберинде Өзбекстан Республикасы Энергетика
министрлиги жанындағы Қайта тиклениўши энергия дәреклери миллий илимий-изертлеў
институты ҳәм Қытай Халық Республикасының Ишки Монголия технология университети
менен биргеликте шөлкемлестирилген.
Лаборатория
жумысы шеңберинде қуяш, самал ҳәм водород энергетикасы, энергия жыйнаў
технологиялары, интеллектуаллық энергетика системалары ҳәм жасалма интеллект
тараўларында биргеликте илимий-изертлеўлер алып барыў, заманагөй лабораториялар
шөлкемлестириў, жоқары маманлықтағы қәнигелерди таярлаў режелестирилген.
Сондай-ақ,
лабораторияның жумысы Орайлық Азияда энергетика технологияларын көрсетиў,
алдыңғы қолланбаларды локализациялаў ҳәм еки мәмлекет арасындағы
илимий-инновациялық бирге ислесиўди сапа жағынан жаңа басқышқа алып шығыў ушын
платформа жаратыўға хызмет етеди.
