Шаңарақ кодексине киргизилген өзгерислерге бола, балаға миллий дәстүрлер
тийкарында әкесиниң аты ямаса әкеси ямаса анасы тәрепинен атасының аты менен
фамилия берилиўи мүмкин екенлиги белгиленбекте.
Бурын Кодексте әкесиниң атын фамилия сыпатында бериў нәзерде тутылмаған
еди.
"Архив иси ҳаққында"ғы нызамға киргизилген қосымшаларға бола,
электрон ҳәм мәмлекетлик емес архивлерди шөлкемлестириў тәртиби белгиленди.
Электрон архивлердиң өзине тән талаплары төмендегилерден ибарат:
электрон архив системасының аппарат-программалық тәмийнатының бар
екенлиги;
электрон архив фондлары ҳәм ҳүжжетлерин, соның ишинде, санластырыў ушын
қурылмалар ҳәм бағдарламаларды жаратыў ушын зәрүр қаржылардың бар екенлиги;
электрон архив ҳүжжетлерин излеў, басқарыў ҳәм қайта ислеў имканиятының
бар екенлиги;
электрон
формадағы архив ҳүжжетиниң архив ҳүжжетиниң түп нусқасы менен бирдейлигин
тәмийинлеў;
электрон архив
системасының мәлимлеме қәўипсизлиги ҳәм киберқәўипсизлик талапларына әмел
етилиўи.
Миллий архив
қорының мәмлекетлик емес бөлимине киргизилген архив ҳүжжетлерин, сондай-ақ,
мәмлекетлик мүлк болмаған басқа да архив ҳүжжетлерин толықтырыў, есапқа алыў,
сақлаў ҳәм олардан пайдаланыў ушын мәмлекетлик емес архивлерди шөлкемлестириў
имканияты нәзерде тутылған.
Соның менен
бирге, Әдиллик министрлигиниң архив иси тараўындағы ўәкилликлери анық белгилеп
берилген.
Нызам рәсмий
жәрияланған күннен баслап күшке киреди.
