Жүйе
жасанды интеллект суреттерді, орман инвентаризациясының деректерін және 400
мыңнан астам жерүсті өлшемдерін талдады.
Зерттеу
нәтижесіне сәйкес, Жер бетінде шамамен 3,04 триллион ағаш бар. Бұл әрбір
адамға орта есеппен 390 ағаштан
дұрыс келеді деген сөз.
Ондаған
жылдар бойы Жер шарында небәрі 400 миллиард ағаш өседі деген пікір
қалыптасқан болатын. Ғалымдар жасанды
серіктің суреттерін зерттегеннен соң осындай
қорытындығы келді. Алайда, жасанды серік тек ормандардың қай жерде орналасқанын ғана көрсете
алады, ал ағаштардың нақты тығыздығын анықтай алмайды.
Эколог Томас Кроутер
жетекшілік еткен халықаралық зерттеушілер тобы алғаш рет әлемдік ағаш
тығыздығының картасын жасады. Олардың есебі бұрынғы болжамдардан шамамен сегіз есе жоғары
болып шықты.
Ғалымдардың
айтуынша, ағаштардың ең жоғары тығыздығы Солтүстік Канадада, Аляскада, Скандинавияда және
Ресейдің бореалдық ормандарында кездеседі. Суық климат қылқан
жапырақты ағаштардың өсуіне өте қолайлы.
Ал
ағаштардың ең көп саны Оңтүстік Америка, Орталық Африка және Оңтүстік-Шығыс Азияның тропиктік
және субтропиктік ормандарында шоғырланған. Бұл өңірлерде Жер
бетіндегі барлық ағаштардың 40 пайыздан астамы өседі. Тек Амазонияның тропиктік
ормандарының өзінде жүздеген миллиард ағаш бар екен, деп хабарлады mir24.tv.
Тарихи
модельдеу нәтижелері адамзат өркениеті пайда болғаннан бері Жер өз ағаштарының
шамамен 46
пайызынан айырылғанын көрсетті. Ғалымдардың есептеуінше, жыл
сайын 15
миллиардтан астам ағаш кесіледі, алайда табиғи қалпына келу
үдерісі мен ормандарды қайта қалпына келтіру жұмыстары бұл шығынның бір бөлігін
ғана өтейді.
Зерттеушілер
тек көшет отырғызудың өзі орманды жою мәселесін толық шеше алмайтынын ескертті.
Себебі көшеттердің толық жетіліп, орманға айналуы үшін ондаған жыл қажет.
Сонымен қатар жасанды түрде отырғызылған ормандарда биологиялық әртүрлілік
төмен болады. Сондықтан олар жануарлар үшін қолайлы мекен бола алмайды және
аурулар мен құрғақшылыққа табиғи ормандарға қарағанда әлдеқайда осал келеді.
Interesting Engineering-тің хабарлауынша, ғалымдар жаңа
орман отырғызудан бұрын, ең алдымен, қолданыстағы табиғи ормандарды қорғау әлдеқайда
маңызды екенін ерекше атап өтті.
