Форум глобал күн тәртибиндеги ең әҳмийетли машқалалардан
бири - трансмиллий нәшебентлик қылмысшылығына қарсы гүресиўге бағышланған. Онда
50 ден аслам мәмлекет ўәкиллери, 500 ден аслам халықаралық эксперт ҳәм
қәнигелер, жетекши халықаралық шөлкемлер, соның ишинде, Бирлескен Миллетлер
Шөлкеми, Интерпол, Европа Аўқамы, ҒМДА, ШБШ делегациялары қатнаспақта.
Саида Мирзиёева атап өткениндей, форум қатнасыўшыларына
Президент Шавкат Мирзиёевтиң сәлемин жеткериў өзи ушын үлкен мақтаныш болды.
Нәшебентлик қәўип-қәтерлерине қарсы гүресиўде халықаралық бирге ислесиўди
беккемлеў әҳмиетли екенин атап өтти.
Сондай-ақ, тараўдағы бирге ислесиўди раўажландырыўға қосқан
үлеси ушын бир қатар халықаралық шөлкемлердиң басшылары арнаўлы
шөлкемлестирилген "Нәшебентлик затларына қарсы гүресиў пидайысы"
көкирек белгиси менен сыйлықланғаны атап өтилди.
