2025-жыл 1-январьдан баслап автобусларда нақ пул қабыл етиў шекленгени ҳәм бул процесс қандай тәртипте әмелге асырылыўын жолаўшыларға жақыннан түсиндириў мақсетинде, қадағалаўшылардан ибарат арнаўлы жумысшы топар өз жумысын баслады.
Бул ҳаққында "Тошшаҳартрансхизмат" АЖ баспасөз хызмети хабар берди.
Усы мүнәсибет пенен, 4-январь күни "Жолаўшы тасыўды мониторинг ҳәм қадағалаў" мәмлекетлик мәкемесиниң "Қадағалаўшылар топары" хызметкерлерине ҳәм Транспорт қадағалаўы инспекциясы инспекторларына жәмийетлик транспортта төлемлердиң әмелге асырылғанын қадағалаў ҳәм жолаўшыларға түсиндириў-таллаў жумысларын өткериў бойынша арнаўлы көрсетпе берилди.
Олий Мажлис Нызамшылық палатасының гезектеги мәжилисинде "Өзбекстан Республикасының Ҳәкимшилик жуўапкершилик ҳаққындағы кодексине жәмийетлик транспорттан пайдаланыў нәтийжелилигин арттырыўға қаратылған қосымшалар ҳәм өзгерислер киргизиў ҳаққында"ғы нызам жойбары екинши оқыўда көрип шығылмақта.
