Усы жылдың 13-июнь күни Сыртқы ислер министри Бахтиёр Саидов Беларусь Республикасы сыртқы ислер министри Максим Риженков пенен ушырасыў өткерди.
Ушырасыўда еки тәреплеме бирге ислесиўди беккемлеў, дипломатиялық байланысларды буннан былай да жеделлестириў ҳәм әҳмийетли бағдарларда өз-ара пайдалы жаңа имканиятларды анықлаў мәселелери додаланды.
2025-жылға мөлшерленген күн тәртибимиз бай болып, халықларымыздың мәплерин тәмийинлеўге қаратылған жоқары дәрежедеги алмасыўлардан ибарат, - деп жазады СИМ басшысы өзиниң Телеграм каналында.
Өзбекстан сыртқы ислер министри Бахтиёр Саидов Стамбул қаласында болып өткен Ислам бирге ислесиў шөлкеми (ИБШ) Сыртқы ислер министрлери кеңесиниң 51-сессиясында қатнасты.
Кейинги күнлерде Жақын Шығыс регионында, атап айтқанда, Израиль ҳәм Иран арасындағы кескинлик және де күшейип, қураллы соқлығысыўларға айланды. Бул болса тек ғана регионда емес, ал пүткил дүнья жәмийетшилигинде үлкен қәўетер оятпақта.
Усы жылдың 16-июнь күни Сыртқы ислер министри Бахтиёр Саидов Әзербайжан сыртқы ислер министри Жейҳун Байрамов пенен телефон арқалы сөйлести.
Сыртқы ислер министрлиги Иран әтирапындағы жағдайдың кескинлесиўи ҳәм Иран және Израилда ракета атыспалары күтилиўи мүнәсибети менен сизлерден қәўипсизлик илажларына қатаң әмел етиўди сорады.
