Реже шақырылыўшыларды әскерий-техникалық қәнигеликлер бойынша таярлыққа тартыў, Өзбекстан Республикасы Қураллы Күшлери қатарында мүддетли әскерий хызметти өтеў ушын таңлап алыў тәртибин белгилейди.
Шақырылыўшылар таңлаўда 1 жылда тек 1 мәрте қатнасыўы мүмкин.
Таңлаў шақырыў жылынан алдынғы жылдың 10-августынан шақырыў жылының 10-февралына шекем өткериледи.
Шақырылыўшы менен сәўбет өткериў арқалы оның төмендеги мағлыўматларына анықлық киргизиледи:
әскерий хизметке болған қызығыўшылығы ҳәм ықласы;
ҳуқықбузарлықлар ислегенлиги, жуўапкершиликке тартылғанлығы ҳәм судланғанлығы менен байланыслы жағдайлар;
денсаўлығының жағдайы;
билим дәрежеси;
шаңарақлық шараяты ҳәм басқалар.
Шақырылыўшылардың улыўма физикалық таярлық дәрежеси төмендеги улыўма физикалық нормативлерди қабыл етиў арқалы баҳаланады:
турникте тартылыў;
100 метрге жуўырыў;
3000 метрге жуўырыў.
Таңлаў жуўмақлары бойынша шақырылыўшыны усыныў ямаса усыныс етпеў бойынша тийисли жуўмақ қабыл етиледи.
