Нызам менен айырым нызам ҳүжжетлерине қосымшалар ҳәм өзгерислер киргизилди.
Нызам менен "Қалалық жолаўшы транспортынан бийпул пайдаланыўды тәртипке салыў ҳаққында"ғы ҳәм "Қан ҳәм оның қурамлы бөлеклериниң донорлығы ҳаққында"ғы Өзбекстан Республикасы нызамларына тийислисинше "Өзбекстан Республикасының ҳүрметли доноры" көкирек белгиси менен сыйлықланған шахслар ушын бир мәрте берилетуғын ақшалай сыйлық муғдарының арттырылыўын нәзерде тутатуғын қосымшалар ҳәм өзгерислер киргизилмекте.
Онда бул көкирек белгиси менен сыйлықланыўшылар БЕМның 15 есеси (5 млн 625 мың сум) муғдарында бир мәрте берилетуғын ақшалай сыйлықты алыўы белгиленди.
Алдын БЕМниң 5 есеси еди.
Сондай-ақ, оларға қалалық жолаўшылар транспортынан (жөнелисли ҳәм жөнелиссиз таксилер буған кирмейди) бийпул пайдаланыў, өзлери ушын қолайлы болған ўақытта ҳәр жылғы мийнет дем алысына шығыў ҳәм санаторий-курортларда емлениў ушын жолламаларды гезексиз алыў ҳуқықы берилмекте.
Нызам рәсмий жәрияланған күннен баслап күшке киреди.
