Юнусабад районлық медицина бирлеспесиниң баслығы Шоира Абдусаттарованың мәлим етиўинше, мийнетке жарамсызлық бети медициналық мәкеме тәрепинен (мүрәжат еткен ямаса емленген жердеги) рәсмийлестириледи.
Буның ушын пуқаралардың кеселлиги, жарақат алғанлығы, ҳәмиледарлығы, туўғанлығы, шаңарақтың бийтап ағзасын күтип атырғанлығы, протез қойғанлығы, сондай-ақ, туберкулёз ямаса кәсиплик кеселлиги себепли ўақтынша басқа жумысқа өткерилиўи сыяқлы жағдайлар тийкар болады.
Мәселен, пуқара жоқарыдағы жағдайлар дизимге алынғанда, аймақлық шаңарақлық поликлиника (шаңарақлық шыпакер пункти) ға электрон дизимге алыў арқалы мүрәжат етеди. Егер денсаўлығы басланғыш медицина мәкемесине шығыў имканиятын бермесе, шаңарақлық шыпакерди үйине шақырады.
Буның ушын шаңарақлық шыпакер наўқасты жеке көриктен өткерип, 025-формалы мағлыўматнаманы толтырады ҳәм тийисли электрон базаға мийнетке жарамсызлық қағазын киргизип, бөлим баслығына онлайн режимде жибереди.
Жуўапкер, өз гезегинде, ҳүжжеттиң тийкарлы екенлигине исеним пайда еткеннен кейин, оны тастыйықлайды. Бул ҳаққындағы мағлыўмат наўқастың жумысында да электрон база арқалы көринип турады.
