Бүгин Өзбекстан сыртқы ислер министри Бахтиёр Саидов ҳәм Қытай сыртқы ислер министри Ван И әҳмийетли Келисимге қол қойды.
Бул ҳаққында Бахтиёр Саидов өзиниң телеграм каналында мәлим етти.
Келисимге бола, буннан былай Өзбекстан ҳәм Қытай пуқаралары ҳәр еки мәмлекетке 30 күн даўамында визасыз саяхат етиў имканиятына ийе болады.
"Бул ҳүжжет байланысларымызды және де жеделлестириў, саўда айланысын арттырыў ҳәм халықлар арасындағы қатнасықларды раўажландырыў жолындағы және бир әҳмийетли қәдем болып есапланады," деп жазады министр.
Ҳәзирги ўақытта Өзбекстан ҳүкимет делегациясы Қытайда болып тур. Делегация қурамында "Өзчармсанаат" ассоциациясы да Қытайдың Ченду қаласында болып өткен Өзбекстан-Қытай бизнес форумында қатнасты. Бул сапар даўамында еки мәмлекет арасындағы саўда-экономикалық ҳәм мәдений байланысларды буннан былай да беккемлеў мәселелери көрип шығылмақта.
Бүгин Нөкис қаласындағы «Теле орай» мәкан пуқаралар жыйынында тазаланған ишимлик суў ислеп шығарыў жойбарын иске түсирген «Long Water» кәрханасының ашылыў мәресими өткерилди.
Өзбекстан елшиханасы дипломатлары ҳәм Қытай Сыртқы ислер министрлиги Консуллық департаменты ўәкиллери арасында болып өткен ушырасыўда еки тәреплеме бирге ислесиўге байланыслы кең көлемли мәселелер додаланды.
