Реже Жоқары билимлендириў, илим ҳәм инновациялар министрлиги жанындағы Профессионал билимлендириўди раўажландырыў қоры қаржыларын қәлиплестириў ҳәм олардан пайдаланыў, Қор жумысын басқарыў, оның қаржыларын бөлистириў, есабы ҳәм есабатын жүргизиў тәртибин белгилейди.

Қор қаржылары төмендеги мақсетлерге бағдарланады, соның ишинде:

• кәсиплик билимлендириў шөлкемлериниң оқыў-методикалық тәмийнатын беккемлеў, оқыў әдебиятларын жаратыў, басып шығарыў ҳәм олардың китап фондын толықтырыў;
• "Кәсиплик билимлендириў" платформасын ислеп шығыў ҳәм оның зәрүр дәрежеде ислеўин тәмийинлеў;
• педагог кадрлар ямаса оқыўшылар арасында өткерилетуғын республикалық таңлаўлардың жеңимпазларын сыйлықлаў ҳәм хошаметлеў.

Қор жумысын басқарыў ҳәм оның қаржыларын бөлистириў ушын Кеңес шөлкемлестириледи.

Қордың дәраматлар ҳәм қәрежетлер сметасы және оның орынланыўы ҳаққындағы есабатлар, сондай-ақ, товарларды сатып алыў бойынша дүзилген шәртнамалар дизими Министрликтиң рәсмий веб-сайтында жәрияланады.