Усы жылдың 18-февраль күни Сыртқы ислер министри Бахтиёр Саидов Сыртқы ислер министрлигинде Канаданың Өзбекстандағы жаңадан тайынланған елшиси Кристофер Дугганнан исеним жарлықларын қабыллап алды.
Ушырасыўда, ҳәзирги ўақытта Өзбекстан ҳәм Орайлық Азия мәмлекетлери тез пәт пенен сыртқы сиясат алып барып атырғаны, регионымыздың глобал роли де кеңейип атырғаны додаланды.
"Биз еки мәмлекет байланысларында еле жүзеге шықпаған үлкен потенциалды көрмектемиз. Елши мырзаға жумысы даўамында мәмлекетлеримиз арасындағы бар көпирлерди беккемлеў ҳәм жаңаларын қурыўда табыслар тилеймиз", - деп жазады СИМ басшысы өзиниң Телеграм каналында.
Өзбекстанның Бахрейнге жаңадан тайынланған Айрықша ҳәм толық ҳуқықлы елшиси (резиденциясы Ар-Рияд қаласында) Нодиржон Турғунов усы мәмлекет сыртқы ислер министри Абдулатиф бин Рошид аз-Заянийге исеним жарлықларының нусқаларын онлайн тәризде тапсырды.
Өзбекстанның Босния ҳәм Герцеговинаға тайынланған биринши Айрықша ҳәм толық ҳуқықлы елшиси Бахтиёр Ибрагимов усы мәмлекет Президиумы баслығы Желька Цвияновичке исеним жарлығын тапсырды.
