Бул автобуслар Нөкис қаласы ишки жөнелислерине брутто-шәртнама тийкарында жайластырылады.
Транспорт министрлигиниң хабар бериўинше, Нөкис қаласында халыққа сапалы жәмийетлик транспорт хызметин көрсетиўди жолға қойыў, ҳәрекет қурамын жаңалаў, жолаўшыларға қосымша қолайлықлар жаратыў мақсетинде “Sapsan avtotrans” ЖШЖ тәрепинен 12 дана “YUTONG” маркалы автобуслар алып келинди.
Сондай-ақ, “Baz Nukus Kompleks” ЖШЖ тәрепинен Нөкис қаласы ушын Қытай Халық Республикасында ислеп шығарылған 100 дана заманагөй автобусларды сатып алыў бойынша тийисли шәртнамаға қол қойылған.
Олий Мажлис Нызамшылық палатасының гезектеги мәжилисинде "Өзбекстан Республикасының Ҳәкимшилик жуўапкершилик ҳаққындағы кодексине жәмийетлик транспорттан пайдаланыў нәтийжелилигин арттырыўға қаратылған қосымшалар ҳәм өзгерислер киргизиў ҳаққында"ғы нызам жойбары екинши оқыўда көрип шығылмақта.
Ташкент қаласында усы жылдың 1-январынан баслап барлық автобусларда жол ҳақыларын нақ пул тәризинде төлеў тоқтатылды. Енди жол ҳақысын нақ пул түринде берген жолаўшы жәриймаға тартылыўы мүмкин.
2025-жыл 1-январьдан баслап автобусларда нақ пул қабыл етиў шекленгени ҳәм бул процесс қандай тәртипте әмелге асырылыўын жолаўшыларға жақыннан түсиндириў мақсетинде, қадағалаўшылардан ибарат арнаўлы жумысшы топар өз жумысын баслады.
Олий Мажлис Нызамшылық палатасында жуўапкер комитет тәрепинен жәмийетлик транспортынан пайдаланыўдың нәтийжелилигин арттырыўға қаратылған нызам жойбаы сиясий партиялар фракцияларының додалаўына киргизиў ушын таярланбақта.
